#حلقة_2


البوب .. اني نبي نتزوج أختك 🙄


مالك .. من يبي يتزوجها ترا ، نقولك معاش فيه حد يبي يخش لحوشنا 


البوب.. اني نبي نتزوجها قتلك 


مالك .. تبصر انت شن صايرلك


البوب.. خيرك انت شن فيها نبي إناسب صاحبي وحبيب قلبي 👊


مالك .. 👊 بس انت متأكد 


البوب .. نوض إقلب وجهك وتي لعرس صاحبك واختك نوض ترا 😁


 رواية البوب الجزء الثاني 2 | Rewitty


مالك طلع يجري واركب سيارته وامشي للحوش ،


وصل يا امي يا امي يا امي 


فاطمة .. خيرك شن فيه 


مالك .. اسمعي صاحبي يبي يجي يخطب مريم 


فاطمه.. لا يا ولدي شن يخطبها لا لا 


مالك .. خيرك يا امي هذا صاحبي كيف نقوله لا 


فاطمة .. هو يعرف شن صار مع اختك 


مريم طلعت من دارها خيرك مالك تعيط 


مالك جي جنبها اسمعي نبي نقولك حاجه به 


مريم .. خيرك قول


فاطمة . . هذا خوك يبي يزوجك


مالك .. والله اني ماطلبت نبي نزوجك والله انتي أميرتي يا مريومه وفوق رأسي بس هو يلي طلبك مني


 واني والله مانقدر نرده 



مريم تبي تتكلم سَكِّتها 


مالك عارف شن تبي تقولي بس والله الا عارف كل شي عليك واني ماجبرت حد يتزوجك


فاطمة .. به من هذا صاحبك 


مالك .. البوب 


فاطمة .. قصدك محمد البوب 


مالك .. ايه 


مريم .. ديرو شن تبو 


 رواية البوب الجزء الثاني 2 | Rewitty


مالك افرح ان اخته قالت به وامه اقتنعت بعد ماهو قعد يقنع فيها بكلامه ان راجل كويس مافيش منا 


عند البوب روح القاهم يتعشو كلهم نادو عليه قاللهم ماخاطريش بس بالله لما تكملو نبيكم ف موضوع 


اركب لي حوشا دوش والبس حوايجه وانزل القاهم يراجو فيه قعمز معاهم كلهم وقعد يهذرز 


عليهم من اهني لا اهني لين افتح معاهم موضوع اني نبي نتزوج يعني جتهم صدمه كلهم 


مرام .. شن تقول انت خيرك شن صايرلك هبلت ولا سكران 


بوب .. احترمي نفسك خيرلك 


امه وبوه محمد خيرك شن تقول 


البوب .. اني تميت فيها البنت اني مقرر وواخذ قراري تمشي تخطبيها بس يا امي 


كريمة .. اني مش ح نمشي نخطبها


مرام .. تبكي 


البوب .. تماام براحتكم ☺




طلع البوب واتصل ب مالك وقاله شن صار قاله اني اعطيتك و كان ربي اعطاك تمت الأمور 


وبعد اسبوع وعيلة البوب مش مقتنعين ان ح يتزوج ع مرام بنت الحسب والنسب لاكن


 رفضو يمشو يخطبوله مريم ف امشي من غير امه وبوه لاكن امشي معاه محمود خوه وجماعته 


ومخلا مارفع معاه 


مالك فرحان هلبا بس لما شاف بوه مش معاه تأثر وسأله لاكن البوب ماباش يكذب عليه 


وقاله شن صار وصار العشي بسيط لي رجاله بس 



وعيلة مريم من عمامها وخوالها ماتوقعوش انها تتزوج وجتهم صدمه كلهم 👊👊✌


 ولا يلي اخذها ولد حسب ونسب يعني معروف   


وروحو رجاله واتفقو ان لاسبوع الجاي العرس 


مريم ابدت توتي ف روحها من فوق نفسها يعني كل بنت تتمني تتزوج وتحس بكل شي ف عرسها


 بس مريم ماحست بشي وفات الاسبوع وفيسع ماجي اسبوع العرس ويوم الفاتحة بو البوب جي بسيف


 ونفس يوم الفاتحة روح بي مريم للحوش من غير ولا زفة ولا عرس ولا حاجه 💔 توجع لما يكون 


احلا يوم ف حياتك يكون زيه زي اي يوم عادي


سلمت مريم ع خوتها آمين ومالك وع امها 


وركبت مع البوب 


مالك وامها رد بالك عليها 


البوب.. حاضر 


ركب للسيارة ولا كلمه لين وصل بيها للفندق 


ركبو لغرفتهم وخشو وماقالوش ولا كلمه لبعض قعدو ساكتين بس 


البوب .. مبروك عليك 


مريم.. ☺ مابيتش تقول ولا كلمه 


البوب .. قلها بري بدلي وتعالي نبيك 


مريم .. بدلت حوايجها ومابتش تطلع خافت منا يبي يدير فيها كيف مايبي وقعدت تكلم ف روحها 


تي خيرك يا مريم هو تزوجك كان يبي يأخذ منك حاجه مش ح يجي يسألك 


البوب قعد يدق ع الباب 


مريم.. طلعت فتحت الباب وهو عيونه لوطه ماشافهاش بكل 


مريم .. ف داخلها محلاها 😭


البوب .. تعالي نبي نتكلم معاك 


جت وراه


مريم.. به 


تكلم معاها قاللها اني مش ح ندير معاك شي وانتي من اليوم محسوبه عليا وع اسمي نبي نقولك ع حاجات بس ماتوقفينيش لين نكمل كلامي هي هزت برأسها بمعني به 


وقعد يدوي قاللها اني متزوج يعني عندي مراء ع ذمتي تزوجتك و عيلتي مش راضين بوي 


وامي واني اخذيتلك حوش بروحك وح نكون يوم ف حوشك ويوم ف الحوش التاني تماام واني


 عارف بكل شي عليك وراضي وبنقولك الحاجه يلي تصير بينا مانبيش حد يعرف بيها يعني


 لا عيلتي ولاعيلتك نبي نقولك نبيك تلبسي عباية وخمار 🙏وهذا مش طلب هذا رجاء انك تقولي به ☺ 


قالها وان شاءالله ماتكوني الا راضيه 


مريم .. تماام بس 


البوب.. شن بس 


مريم .. نبي نرقد عادي 


البوب .. اكيد عادي وبراحتك تصبحي على خير 


خشت رقدت وقالت به يعني هو استر عليا واني مش ح نجي ضده ووقف قدام اماليه ع خاطري


 هذا يكفي قعدت تفكر ف كلامه وأسلوبه محلاه كيف شخصيته 😥 لين رقدت 


 رواية البوب الجزء الثاني 2 | Rewitty


الفصل الثالث من هنا