رواية ليتك تستحقني كاملة - روايات ليبية الفصل الاول

المقدمه
بقلم الكاتبة :
🔥💛مــــــيـــمـــي الشــــيــــــخــــي💛🔥+
امال : كنت راقدة على السريــر و قلبي مكسور اليوم أبشع يوم في حياتي اليوم اللي حضرت فيه خطوبة حبيبي كنت نتمنى الموت انقهرت كانت نار شاعلة في قلبي🔥 كيف قدر يدير فيا هكي؟ كيف هنت عليه؟ 💔 جتني رسالة انصدمت الدم تجمد في عروقي عاودت قريتها أكثر من مرة و أنا مش فاهمة شي فيه مية سؤال في راسي ! من اللي دز الرسالة!! شنو يبي مني!! شنو استفاد بعد دزلي الرسالة هذي!! ، بعد تفكير طويل قررت نمشي لأنه هذا شخص حاط العنوان معناها كلامه صح🤷🏻‍♀️
لبست وطلعت بشوية عشان ماحد ينوض من هلي و مشيت للعنوان خشيت لمبنى قعدت نمشي وبعدها شفت منظر لا يا ربي كلامه طلع صح لاا يارببيي💔
انصدمت طحت على الارض جسمي ارتخى معش عرفت نتحرك شفت منظر لعند توا مازال في راسي كل اللي قدرت نديره نطلع من المكان هذا وانا مصدوومةة ركبت السيارة ونسوق و انا مش عارفة وين نمشي لعند توا مش مصدقة حتى بعد شفت بعيني كل شي ، فقت من السرحان على صوت سيارة تبَّيب فقدت السيطرة على الفرامل وما قدرتش نوقف السيارة ... سيارتين وحده تخش فيا من قدام والثانية من الجنب .. قعدت نسمع في صوت عياط و ضي قوي بعدها غمضت عيوني معش نندري على شي🤦🏻‍♂️💔......
قبلها بمدة طويلة ❤️
امال تنط على سرير خوتها : هياا نوضوا وقت العرب يراجوا فينا 🙂
مالك حذّف عليها المخدة : تي أقلبي وجهكك
كَرم : عدّي قولي لباتي يوصلك انتِ و أمي .
امال : بابا في العمل ويبي يعديلهم طول مش مروح هنا وعمتي تبيكم تجوا ترجى فيكم تي هيااا نوضووا
مالك : خلااص عدي نضناا 😒
امال : صح نسيتت ... قاللكم باابا واحد منكم يدير العاار غادي ولا يسكر نعرف كيف نتصرف معااه 😒
كَرم : باهي عدي هَي+
امال : عديت نوتي في روحي💞
طبعاً أكيد تسألوا عليش قالبة الدنيا وقاعدة تلبس من الظهر😂
عمتي حنان لها 6 سنين ربي ما رزقهش بطفل .. عالجت لفت على جميع الدكاترة سافرت لكل مكان و بعد جهد جهيد و أخيرراً ربي جبر بخاطرها و جابت ولد و دايرة حفلة كبيرة العائلة كلهم فرحانين🕊❤

🔥مـــيـــمــــي الـشـــيــخــي🔥
تعاالوا نعرفكم على أبطال الرواية 🔥!
العائلة الأولى ..
عائلة محمد 1959م متزوج سميرة 1969م و عندهم بنتين : مُسّرة 1995م مواصفاتها قصيرة شعرها قصير و بيضه ونقشها ع البُنّي طيوووبة ❤️!!
و خِتام 1998م قصيرة لكن أطول من مسرة شعرها طووويل 🔥 نقشها على البُني و بشرتهاا حنطية شخصيتها جريئة ولسانها متبري منهاا😂🔥
محمد عنده 3 خوت :
نوري 1967م ، محمود 1971م ، يوسف 1983م ( يوسف راجل حناان ❤️)
( البطل❤️ ) : طه 1990م طوله متوسط عنده عضلات و غمازات يهبلوا و لحيته خيااال🤤❤️🔥 عيونه لونهم عَسلي و شعره لونه عسلي .. أنيق في لبسه ، شخصيته صـ؏ـبة لكن طررف 🤤😍!
يشتغل دكتور أعصاب بس ما يعرفش يتحكم في أعصابه بككل 🤦🏻‍♂️😂 حاافظ القرآن و يصلي❤️1
✨ مــــيـــمـــي الشــيخــي ✨
__________
العائلة الثانية❤️
موسى 1965م مرته عبير 1972م عندهم ولدين كَرم 1991م طويل وعنده لحية وعضلات ، حلو ونقشه ع الأسود .. مالك 1993م طويل و نقشه على الأسود و مالك 1993م طويل و نقشه على العسلي طرف و عضلاته خياال🔥
طيبين مع أختهم يحبوها و يعاملوا فيها كويس لكن عيبهم سكًارة وحشاشين و عندهم شهادات لكن عاطلين💔 بوهم و أمهم عارفين بس ماقدروش يمنعوهم🤦🏻‍♂️💔
اختهم امال ( البطلة ❤️) 1995م كبر مسرة شعرها طوويل لونه عسلي و عيونها لونهم عسلي كبار جسمها متناسق تقرا محاسبة شخصيتها متكبرة بس مافيش أبيض من قلبها و جريئة بككل وصوتها كيوتت 🥺💕
تحب خوتها و مهتمة بيهم واجد ❤️ عندها صاحبتها من الطفولة اسمها رغد تموت فيها و تحكيلها في جميع اسرارها و رغد تغار منها لكن امال تحبها واجد مهماا غلطت تسامحها طول❤️
موسى عنده أخ و اخت :
جلال يقرا برا ، حنان 1986م ( زوجة يوسف 💕 ) .
هذي العائلتين و باقي الشخصيات نتعرفوا عليهم في الحلقات الجاية ❤️ ..
🔥مــيــمــي الــشــيــخــي🔥
مسرة : هياا خِتام طه من امبدري يراجي
ختام : اهوو جاايه
طه : سااعة تلبسي؟ وشنو اللي دايرتيه في وجهك هذاا ؟ ماشية لعرس!!😡
ختام : امالا شنو تبيني ندير هذي مناسبة تبيني نقعد كيف مسعود الحول جارنا ؟🙄
طه : واللهِ مسعود أحلى منكك .. و بعدين كم مرة قلتلك معش تردي علياا 😡
سميرة : خلاص يا ولدي الناس تبحت
طه : توو بعدين نعرف كيف نتصرف معاك 😡
خِتام : غير أحكم في حكية الجل متاعك 😒🔥
🔥مـــيـــمـــي الـــشـــيـــخـــي🔥
كرم : يمشط في شعره ع المراية خشت عليه امل
كرم : والنبي طرف ولا😌😂
امال : اووووه ما عرفتكش 😂💜
كرم : مفروض تفرحي لأن خوك طررف
امال : عليش نفرح ع اساس جايبلي وشاح ليكرا أسود 😒😂 .... مغير هياا طولنا ع العررب
كرم : خلاص هيا انزلي قدامي
ركبوا للسيارة و عدوا
هذوما أبطال قصتنا ان شاء الله تنال اعجابكمم❤️✨
🔥مـــيـــمــي الـــشـــيـخــــي🔥#ليتك_تستحقني
الحلقة الأولى🙆🏻‍♀️❤️
بقلم الكاتبة :
🔥💛مــــــيــــمـــــي الــشـــيــــخــــي💛🔥
وصلوا العيلتين للــ لمة و كان كل شي راقـي وحلــوو ❤️
مُسرة : شافت امال وجت قعمزت جنبها ..
مُسرة : أهلاً
اماَل : أهـلـين
مُسرة : شنو تقربـلك حنان؟💛
امال : عمتي❤️ ، وانتِ يوسف يكون عمك صح؟
مُسرة : اي صح ❤️ ، انا مُسرة
امال : وانا امال❤️
مسرة : تشرفت بيك
امال : الشرف ليا💜!!
مُسرة : شوفي لي تضحك كيف الهبلة غادي😂! هذي تكون اختي خِتام ❤️
امال : شكله جوها سمح !😂❤️
وقعدوا يهدرزوا و خذوا ايميلات بعضهن ✨
كانت فيه عيون تراقب في امال !
سميرة : تدوي لصاحبتها ... قتلك هذي من؟
صاحبتها : أين وحده؟
سميرة : يلي مقعمزة جنب مُسرة
صاحبتها : أهاا هذي بنت عبير
سميرة : ما شاء الله كبرت!!❤️
و طبعاً بنات عم طه قريب ينهبلن عليه🤤🔥!
1
بعد 3 سا؏ـاات
خِتام : أُووف عليك مَلل البنات كلهن روحن كنا ما نروحوا حتى نحن ؟!😒
مُسرة : أصبري شويا
سميرة : يا عبير كيف حالك عاش من شافك وينك يا حنة؟
عبير : الحمد لله ، واللهِ قاعدة انتِ اللي مش باينة
سميرة : ما شاء الله بنيتك كبرت ربي يحفظها 😍💜
عَبير : تسلمي ❤️
سميرة : مواليد الكم هيَ؟
سميرة : مواليد الكم هيَ؟
عبير : 95
سميرة : مخطوبة ؟
عبير : لا ما صارش نَصيب
سميرة : ولدي طه نبي نزوجه ، تعطوا؟❤️
عبير بفَرح : مانلقوا خير منه بس نشوف راي باتها❤️
سَميرة : تسلمي ، خلاص نرجى في ردكم ❤️
و قعدن يهدرزن ..
الناس كلها روحوا والحوش قعد فاضي ، مافيش الا عيت موسى و عيت محمد 💕
مُسرة : هيا ماما طه برا
حَنان : اقعدوا مازال بدري
سَميرة : يقعد الخير ، مع السلامة
حنان : سلمك
ركبوا البنات للسيارة قبل سميرة
سميرة مصبية قدام الباب : يا ولدي تعال ساعدني مش قادرة ننزل الدروج
مشى طه يساعد فيها
عبير : حي سميرة نست تليفونها 🤦🏻‍♂️
باهي عدي يا امال الحقيها عطيه لها
عدت امال فتحت الباب كان طه يساعد في امه بيش تنزل من الدروج
امال : عمتي سميرة ن..
سميرة وقفت ولفت تشوف من ينادي فيها وتلاقت عيون طه بعيون أمال ❤️
امال : ءء اا يا عمتي سميرة ن نسيتي تليفونك
سميرة : حي والله شكله كبر😅 شكرا يابنتي ، عدي يا طه خوذه منها
طه سارح في امل : ش شنو يمي؟🤤🔥
سميرة : قتلك عدي خوذه منها طه : حاضر هي ❤️
ركب طه الدروج ..
امال : ءا ت تفضل
طه يبحت فيها بإعجاب : شكراً
امال : العفو ❤️
امال : كنت سارحة فيه عليك جمال وصوت فيه❤️،!!
عدت تشوف فيهم من الروشن : فتح الباب لأمه كان لابس شورت اسود و تيشيرت ابيض و سبيدرو ابيض و عضلاته محلاهن وعطره مخلط بالدخان🤤 كل شي فيه حلو❤️ فقت على صوت تبييب كان كرم 🤦🏻‍♂️
كرم : هيا ساعة نبيب في شنو ساارحة ، عدي ناادي امك وهياا 😡
امال : بااه .. ماماا هيا كرم برا
عبير : لبست عبايتها و امال واتية ✨
حنان : مع السلامة عاودوها
عبير : حاضر
وطلعوا روحوا للحوش
🔥مــــــيــــمـــــي الــشـــيــــخــــي🔥
__________
حنان ماسكة البيبي وفرحانة بيه : يا روحي يهبل🥺💙
يوسف : حضنها .. يشبهلك❤️
حنان : عنده غمازات زيك❤️  ، الحمد لله واللهِ مش مصدقة ان ربي بعد هالمعاناة هذي رزقني بطفل
يوسف :الحمد لله انتِ طيبة و تستاهلي كل الخير !❤️
حَنان : اكتفت بإبتسامة ... يوسف تليفونك من بدري يرن شوفه مَن ؟
يوسف : بتوتر ... مش مهم هذا واحد يبي شغل مش فاضيله توا
حَنان : باهي انتَ رد بالك من جود ماشية نحط العشاء ❤️
يوسف : تمام
🔥مــــــيــــمـــــي الــشـــيــــخــــي🔥
عند عبير ..
عبير : موسى نبيك في موضوع
موسى : خير ان شاء الله
سميرة : تعرف سميرة مراة محمد ؟
موسى : كنها ؟
عبير : اليوم في اللمة ؏ـجبتها امال و تبيها لـ طه
موسى : واللهِ خير ما اناسبوا❤️ لكن انتِ عارفة بنتك ماتبيش تتزوج وكل عريس يجي ترفض فيه
عبير : لا هالمرة مستحيل ترفض
موسى : شنو بديري؟
عبير : تو تعرف😅 ، بعد خطرها وين كرم و مالك؟
موسى : تلقيهم يسكروا في شي مكان مع الشلة الحشاشة اللي مصاحبينها 😒💔
واللهِ انا تعبت معاهم ان شاء الله ربي يهديهم💔
عَبير : ربي يهديك انت اللي بديت في الشي هذا
موسى : بعصبية ... وطي صوتك 😡 ، وبعدين هما مايندروش
عبير : ماه يقولك يا داير يا لاقي 😄 ، ياريته غير هكي بس تي حتى ..
موسى قاطعها : خلاص سكري على الموضوع 😡 عدي حطيلنا العشاء
عبير : حاضر 💔
___________
🔥💙مــــــيــــمـــــي الــشـــيــــخــــي💙🔥
مُسرة تراسل في امال ..
مُسرة : أهلاً
امال : أهلين
مُسرة : كيف حالك ؟💞
امال : تمام ، وانتِ ؟
....... وقعدن يهدرزن و تعرفن ع بعضهن اكثر ❤️+
؏َـبيـر ادق ع الباب : دق دق دق
امال : منو ؟!
عَبير : انا افتحي
امال فتحت الباب ..
عبير : فاضية؟ نبيك في موضوع !
امال : ان شاء الله خير
عبير : أء ف فيه عريس جايك و ..
امال قاطعتها : مامـااا مش قلتلك من قبل سكري عليه الموضوع هذا 😑
عبير : لا هالمرة مش مسكرته ولازم نحكوا فيه الموضوع هذا ؛ نبي نفرح بيك قبل ما ربي ياخذ امانته
امال : بعيد السو ❤️ ، لَكن انا مش مفكرة في الموضوع هذا نهائياً 🤦🏻‍♂️
عبير بعصبية : لا مش بكيفك هوَ ! 😡
امال : ماما كنك ؟😳 .. انا مانبيش توا احترمي قراري !!
عبير بعصبية : قسماً بالله لو ما وافقتي لانك بنتي ولا نعرفك!
امال سكتت معش عرفت شنو نحكي حسيت يديا مربوطين : خلاص يا ماما اللي تشوفيه💔💔
عَبير بفَرح : نجكلياا هذي بنتِي ❤️
امال طلعت من الدار تبكي : يا ربي شنو هذا انا مانفكرش نتزوج توا 😭💔
نبي نرن ع رغد ونحكيلها مرات نلقى عندها الـඋـل و تساعدني من هالورطة لي انا فيها 💔❤️
مسكت نقالي ورنيت عليها ..
رغد : هاي شنجوو
امال :تبكي
رغد : فيه عَريس متقدملي😭😭
رغد : باهي وشنو الجديد ؟🙄
امال : ماما قالتلي لانك بنتي ولا نعرفك كان رفضتيه 😭
رغد : باهي وانتِ وافقتي؟
امال : وافقت
رغد حاسدتها : اوووف بااه خلاص وافقتي عليش ترني عليا توجعيلي في راسي ؟🙂🙄
امال : انا مانبيش نتزوج مش قادرة ننساه حتى بعد خدعني قلبي يحبه !💔
رغد : حبيبتي هذا مايستاهل حتى دمعة واحدة من عيونك كملي حياتك عادي و ان شاء الله يكون معاك كويس وينسيك فيه
امال : صح معاك حق ، تو نحاول ننساه و نكمل حياتي
رغد : شطورة ، تبي شي ؟
امال : كنك ؟ مازلت نبي نحكي معاك !
رغد : والله نعسانة مش قادرة .
امال : نوم العوافي ❤️
رغد : سكرت في وجها
امال : صح اسلوبها حقير بس نحبها واجد💛
بعد تفكير طويل رقدت ..
عند رغد بعد ما سكرت منها ..
رغد : اوووف زعمتلي كبدي كل شهر ترفض في عريس وانا لي ما جاني حتى حماار ( اكرمكم الله ) 😑
مبردها ، مسكت فونها وطلعت صورة الشاب اللي تحبه : انتَ مستحيل تكون لغيري ❤️ اللي تجي شورك مستعدة ندفنها و هي حية❤️ ان شاء الله يا امال اطيحي في واحد يخلي حياتك جَحيم 😒1
( واعرة لما يكون عندك صديقة مفضلة و تحبيها بِكل عيوبها وهي ديما حاسدتك وانتِ ديما مسامحتيها وماتزعليش منها مهما دارت و توثقي فيها زيادة على اللزوم وتقعدي تحسابيها سبب سعادتك و هي في الأصل سبب دمارك 💔 )
____________
ثاني يوم في الصبح ❤️
امال : نضت خشيت للحمام ( اكرمكم الله ) دوشت و جففت شعري و صليت و لبست بشت اسود و وشاح ملون و سبيدرو وردي و شنطة وردية و درت ميك آب خفيف 🔥 نزلت صبحت على ماما اللي كانت الفرحة باينة على وجهها شربت قهوة قعدت نشم في ريحتها كيف تجنن ع الصبح ، طبعا مستحيل نبدا يومي من دونها مع صوت العصافير 💚
بعدها طلعت للمعهد متاعي وقعدت ندور على رغد
امال : رغد صباح الورد
رغد : صباح النور فطرتي؟
امال : اي
رغد : مش قلتلك نفطروا مع بعضنا 🙂💔.
امال : لا والله ماقلتيها
رغد : خلاص عادي تو نقعد من دون فطور خلاص😑
امال : حسيت بالذنب والمشكلة عارفتها كذابة ربي يهديها ، خشينا للمحاضرة وطول الوقت نفكر في قصة العريس زعما نحبه ؟!
و قعدت 100 فكرة في راسي عشان نلغي الزواج بس ما نقدرش عشَان ماما❤️
🔥مــــــيــــمـــــي الــشـــيــــخــــي🔥 +
_____________
ترن ترن ترن
محمد : يا سميرة تليفونك يرن
سميرة : اها هذي عبير ، الووو .. كيف حالكم
عبير : والله الحمد لله كويسين كيف حالك انتِ والبنات؟
سميرة : والله كويسين ... شنو صار ؟
عبير : البنت وافقت
سميرة بفرحة : الحمد لله ، معناها نجوكم بكرا عشان نديروا المقابلة الشرعية
عبير : هاا بكرا لكن !😳
سميرة قاطعتها : امالا عليش نراجوا خلاص بكرا في العشية ان شاء الله جايين ❤️
عبير : وانتِ طيبة مع السلامة
سميرة : مع السلامة
جت قعمزت جنب محمد
محمد سكر الكتاب : كنك فرحانة؟ فرحينا معاك😂
سميرة : حصلت بنت لـ طه ما شاء الله عليها زي القمـرر 😍❤️
محمد : ماه انتِ عارفة ولدك مايبش
سميرة : لا المرة هذي لازم يوافق
محمد : والله ياريت نبي نشوف احفادي قبل ما ربي ياخذ امانته
سميرة : بعيد السو عليك ان شاء الله في اللي يكرهك ❤️
محمد : أمتى بتحكي معاه ؟
سميرة : بعد يروح من العيادة
محمد : باهي بنت من اللي اخترتيها ؟
سميرة بإبتسامة : امال بنت عبير و موسى
محمد : والله موسى راجل كويس و يتقي ربي ، على بركة الله ❤️
عند امال 💜
طلعنا من المحاضرة و عديت للكافيتيريا نجيب في فطور لرغد ❤️
مصبية نراجي في الفطور جا صبى جنبي ، قلبي قعد يدق بحتت لقيتهم ماسكين في يدين بعضهم مسكت دموعي كان يبحت فيا وانا منزلة راسي مانبيش نبحت فيه خذيت الفطور وطلعت نجري💔🔥
عطيت الفطور لرغد وكانت يدي ترجف
رغد تاكل : كنك؟
امال ساكتة
رغد : شفتيه صح ؟!
حضْنتها وقعدت تبكي 😭💔
رغد : انتِ كل ما تشوفيه تقعدي تبكي تي خلااص انسيه !
امال : مش قادرة ننساه
رغد : معناها ماتنسيش اللي داره فيك
امال : اللي قهرني حتى هي خانتني و صدمتني فيها
رغد : لا هي و لا هو يستاهلوا دموعك خلاص حاولي انك تتأقلمي ع الوضع
امال : نحاول 💔+
• لست الشخص الذي ينسى ♡
رغد : الأوراق اللي عندك خلاص أحرقيهن
امال : لا مستحيل نحرقهن حتى كان حاول يدمرني أخرى نقعد قوية بالاوراق اللي عندي
رغد شقلبت عيونها : براحتك🙄
روحت للحوش ماما قالتلي العرب جايين بكرا ، انصدمت كيف معقولة بالسرعة هذي !
بكيت نين تقبلت الوضـ؏💔
سميرة : امال عدي نوضي خوتك هيا الغداء طاب
امال : قصدك لعند توا راقدين 🐸😂
سَميرة : ماه انتِ عارفتيهم يسهروا للصبح والنهار كله نوم .
امال : تو انوضهم حاضر 💙
ركبت حليت الروشن
امال بصوت عالي : هيا نوضوا هيااااا😃
مالك : يلعن شكلك سكري الباب واطلعييي😡😡
امال :تي هيااا الغداء طااب
كَرم : مانبوش نتغدوا اطلعي وسكري الباب🐸😑
امال : هياا تو نخلي بابا يركبلكم
عديت نلم في الدبش اللي في الدار انصدمت😳
امال : مالك شنو الدم اللي على دبشك هذك ؟ 😳
مالك بعصبية : من اللي قالك تقربي دبشي ؟ كممم مرررة قلتلللك دبشيي معش تجي شووره 😡😡
امال : كنك يا مالك انا سألتك بس☹️
كرم : خلاص يا امال اطلعي نازلين
طلعت نجري
كرم : عليش عطيت عليها
مالك : تي كانت هتعرف يا راجل
كرم : انا كمم مررة قلتلك معش تعيطط عليهاا هاه ؟ وبعدين دبش العمل رد بالك تجيبه معاك للحوش اعزقه ولا احرقه لكن رد بالك تجيبه اخرى انت عارف لو حد علم شنو بيكون مصيرناا ، عدي انزل صالحها
مالك : خلاص باهي 🙄
نزلوا كلهم على سفرة الغداء
مالك : احم احم .. احححممم احمم
سميرة : كنك يا وليدي اشرب اميه
مالك يبحت في امال : ها لالا ما نبش ، احمم احم
امال : خلااص اسكت سامحتك😑
سميرة : موسى عدي جيب الحاجات هذينا للناس اللي جايين بكرا
كرم : نااس شنو ؟!
سميرة : اختك جايينها خطاب❤️
مالك بحت في امال : قصدك وافقتي💔
امال : اي...
مالك ناض من السفرة
امال : تو نمشي نشوفه
ركبت لمالك
امال : دق دق دق ، عادي نخش؟
مالك ماردش
خشيت
امال : كنك نضت ؟
مالك عاطيني بظهره : شبعت
امال : تي بحت فيا مالك .. شنو تبيني ندير ماما غصبت عليا ؟
مالك بحت في امال : ماه كل مرة تغصب عليك شنو اللي تغير توا ؟
امال : المرة هذي عطتني قلة السماح كان رفضت !
مالك : هنرايف عليك !
امال : مازلت قاعدة على قلبك و حتى لو تزوجت كل يوم نجي عند تملوا من وجهي 😂
مالك : باردة ❤️
حضنني حسيت بالآمان❤️
🔥مــــــيــــمـــــي الــشـــيــــخــــي🔥 
طه خش
طه : السلام عليكم
سميرة ومحمد : وعليكم السلام 💙
سميرة : تعال يا طه نبيك في موضوع
طه : كان على موضوع الزواج نريحك قبل ماتبدي مانبش
سميرة : غير تعال اسمع يا وليدي
محمد : طه تعال شوف امك شنو تبيك
طه قعمز : نعم
سميرة : يا طه نبي نفرح بيك ونشوف عيالك حرام عليك تحرم فيا من النعمة هذي
محمد : يا طه انت توا كبرت لازم تأسس اسرة لعند امتى بتقعد هكي
طه : انا حالياً مانبش مركز في شغلي و بس ومش فاضي للمواضيع هذينا
سميرة قعدت تبكي : يعني يهون عليك نموت قبل ما نشوف عيالك ؟😢💔
وبعد جهدٌ جهيد وافق واخيراً ❤️
🔥مــــــيــــمـــــي الــشـــيــــخــــي🔥 
في الليل 💞
كلمت صمود " بنت عمي " بنت طيوبة وعسل مواليد 96 نحبها واجد❤️ ، لكن هي ماتحبش رغد وديما عرايك 🐸
وبعدها هدرزت مع مسرة بعدها رقدت من دون ما نفكر في شي ❤️
_____________
خِتام : في من تكلمي ؟
مسرة : في امال والله جوها سمح بكل❤️
ختام : اها حتى شكلها حلو❤️
مسرة : شنو اديري؟
ختام : قاعدة نشوف شنو نلبس بكرا للعرب والله فرحت آخيراً طه وافق يخطب ، وانتِ لعند امتى بتقعدي هكي كل شهر يجيك عريس ترفضي فيه ؟
مسرة : شنو نبي ندير الله غالب .
خِتام : ماتسكتيش على روحك حاولي ماتستسلمش انا مانقدرش نقعد بلاك
مسرة دمعت : مازلت نراجي في فرج ربي عارفه ان ربي في الوجود مستحيل يخليني هكي💔💙
خِتام : باهي انتِ عليش ماتبش تقولي لماما ولا لبابا ؟
مسرة : مانبش حد يشيل همي ولا يخاف عليا انتِ عارفه امك وبعدين طه عارف ولعند توا قاعد يدور .. خلاص انا بنرقد
خِتام : خذيتي دواك؟
مسرة : خذيته ، تصبحي على خير 💙
خِتام : وانتِ من اهل الخير 💙
في الصبح 💚🔥
نضت نفس الروتين ضميت الحوش وبخرته كانت عطلة في المعهد ، درت اربع انواع موالح و عصير طبيعي و وتيت كل شي وبعدها ركبت لبست سروال اسود قماش واسع و بلوزة بيضاء و جاكيت اسود ودرت ميك اب خفيف ورفعت شعري كله فوق ونزلت منه خصلات 💚 طبعاً نزلت من دون ما نعرف من اللي جايني ماحبيتش نسأل نزلت تفاجأت عمتي سميرة ومسرة وختام مقعمزين و مسرة بطير من الفرحة ❤️🔥
خشيت بسفرة القهوة
سميرة : ما شاء الله على كنتي السمحة 💞💞 .. تعالي قعمزي جنبي
جيت قمعزت جنبها وقعدنا نحكوا الحق كانوا ناس راقيين و في قمة الذوووق 😍
مسرة : مش مصدقة انتِ بتقعدي كنتناا 😔💚💚
امال قلبي نخصني و ابتسمت بالسيف و قعدت نفكر زعما اللي شفته يومتها هو العريس ؟🔥
كرم ينادي : امال البسي وشاح وتعالي عريسك يبي يشوفك
لبست وشاح وكنت خايفة وجسمي يررجف دقيت الباب تنهدت وخشيت تفاجأت ان هو نفسه الشاب اللي شفته يومتها كان شكله حلووو وعطره مغرق المكان جيت قمعزت وكرم طلع قعدت منزلة راسي
طه كسر السكوت
طه : احم ، انا اسمي طه مواليد 91 نشتغل دكتور اعصاب شنو شروطك ؟
رفعت راسي و طه تفاجئ بشكلي : شروطي نكمل قراية ونشتغل ونسوق ومانبش نلبس خمار ولا عباية
طه : تمام بس كل شي تلبسيه لازم يكون مستور تحت الركبة
امال : تمام موافقة ❤️
طه : هذا رقمي سجليه
سجلت رقمه ورنيت عليه وسجل رقمي ❤️
طلعت من المربوعة وانا قلبي قريب يطلع من مكانه و ندعي ربي يتمم ع خير ، ريحة عطره عالقه فيا 🥺
في الليل 💛🖤!
نكلم في رغد وقلتلها على كل شي وطبعاً قدرت نطلع صفحته لانه كانت مسرة منزلة منشور ودايرتله فيه تاق ، حفظت صورته❤️
رغد : باهي وريه لنا اللي خطف قلبك هذا
امال : ماخطفش بس اسلوبه حلو ❤️ باهي سكري عشان ندزلك الصورة ..
دزيتلها الصورة و رقدت ،
رغد فتحت الصور و انصدمت
رغد : لا مستحييييل لاااا 😳😭💔2
كنها رغد انصدمت ، زعمك يكون هو نفسه لي تحبه رغد؟ 🤔
وليش مسرة ماتبيش تتزوج ؟🤔
وشنو قصة الأوراق اللي عند امال ؟ 🤔
كله نعرفوه الحلقات الجاية❤️
🔥مــــــيــــمـــــي الــشـــيــــخــــي🔥
Continue reading next part