رواية باعوني بالحرام كاملة ( روايات ليبية ) الفصل الثاني
نعيمة: 🙈اتصلوا بيا قالولي بيجوا يحددوا الخطبه والفاتحه والعرس 😊مبروك حبيبتي 😘
اميرة(ليش هما فرحانين واني لا): 💔الله يبارك فيك
اميرة: عادي نطلب طلب 🙁
وجدي: اكيييد يا بنتي 😊
اميرة: نبي نكلم صاحبتي ونبي روان تحضر خطبتي بالله عليييكم والله معندي غيرها روان
🥺
نعيمة: 🤨
وجدي: تمام ❤
نعيمة: هذا الهاتف خوديه 🙄
اميرة(فرحتتتت): 💃يسلموا
أميرة. طبعااا اول شي كلمت رواسي #سرو#
ترن ترن ترن.....
رواسي: اهلاااا اميرة 🤣
اميرة: ههه اهلينات هههه كالعاده ردك قوة واندفاع 🙈فرحيني معاك
رواسي: هههه تي كان نقولك حالتي جفاف وعيلتنا كلنا اعمارنا صغيرة تي نبي عرس تخيلي امي متخليش فيا مع خوي براحنا متوقعه نلزه 🤣💃
أميرة(انخنقت بسيرة العرس): ههههه وووه هبله كالعاده 😅
رواسي: اميرة ليش صوتك مخنوق 💔
اميرة: 😭😭روري اني معش بنجي للمدرسه
رواسي: 😳نعممممممم هذه اميرة يلي نعرفهااا
اميرة: 🥺اني مجبووووورة 😭روري بنستاحشك 💔
رواسي: غر احكيلي بالشويه بالشويه بش نفهم 💔
اميرة: ............وهذا يلي صااار 🥺
رواسي: 😡😡نبي نفهم خيرهم معاااك تقدري تشرطي عليهم مش بكيفهم واللهي تعرفي مرت عمك هذه كان نشوفها لما نعجنها فخلاط الباستي 😡
اميرة: 💔القصه مش هني
رواسي: حيييي قصدك في غيرها 😳
اميرة: معتز ليه شهر مختفي مفيش حتا خبر عليه واخته سنام يلي تقرا سنه تانيه مقدرتش نسألها 🥺 نحبه يا رواسي حاسه اني بنموت مش بنتزوج 😭
رواسي: حبيبتي كل شي ح يتصلح اكيده معتز صارله ظرف 💔
اميرة: روري واجعتني قرايتي روان للفترة الماضيه تشجع فيا بش ننجح 💔تخيليهااا
رواسي: ي قلبي 🥺
اميرة: روري والله صدعتلك راسك حياتي مسكرة من كل الجهات 💔
رواسي: حبي ح ندعليييلك صدقيني صبر 🙁
اميرة: 😅😅😂لما يوزعوا فالصبر مكنتش حاضرة مخديتش حصتي 🤦♀️🤷🏻♀️من قوتي نحكي ف حزني ونضحك 😥
رواسي: هههه نعطيك حصتي 🙊
اميرة: ضروري تحضري عرسي 😒
رواسي: اكيد انشالله غلاتي 🤦♀️🤷🏻♀️تشوقت نشوفه هالفرج يلي طلع فجأة
اميرة: تي حتا اني مشفتاااش مفهمتش قصتهم العيله هذه 🤧
رواسي: ربي يعاونك 😥
اميرة: ويعاونك حبي نكلمك. يوم تاني. انتبهي لقرايتك 🥺
رواسي: انشالله 💔
✨✨✨✨✨✨✨✨✨✨✨
أميرة. زعمااا كيف بنحكي ل روان 😢منقدرش نوجهها
محمد: روان 🤨 اميرة مكلمتيهاش اليوم
روان: 😅😅😅حمادي تو نكلمهااا
محمد حضنها: روان لو ب ايدي كنت خليت اميرة معاك هني عيلة عمك صعبين شويه حاير كيف هي متحملتهم 😥
روان: حبيبي عارفه مفيش منك ❤ بس تعرف شفت منام شين على اختي اميرة خايفه نتصل يطلع صح 😢
محمد: انشالله خير 🤗
✨✨✨✨✨✨✨✨✨
احمد شاف اميرة تبكي: اميرة!!!!
اميرة(مسحت دموعي): نعم 🙁
احمد: اميرة المرة هذه مش قادر نساعدك ف ولا شي 💔بس عادي لما تشوفيه قوليله على قرايتك متأكد مش ح يوقفك 😊
اميرة: انشالله تو نشوف 😥
أميرة. دخلت ل داري واني مش مرتااحه معقوله عمتي فرحانه للدرجه هذه علخاطر بيحددوا المواعيد 💔اصلا هما يستنوا غر امتا يرحلوا وحده من البنات 🥺وينك يا معتز #سرو#
✨✨✨✨✨✨✨✨✨✨✨
ترن ترن ترن......
سنام: اهلينات عزوو شنخبارك 😍
معتز: تمام وانتي وامي شن جوكم 😊
سنام: كويسين ☺
معتز: سنام شن جو اميرة 🤨
سنام: شن بنقلك يا خوووي البنت3ايام متجيش للمدرسه نسأل فالاخصائيه تقلي غياب مقدرتش نقصقص 💔
معتز: 😳 بلكي انتقلوا
سنام: تي لا خيرك حوشنا مقابل حوشهم وقاعدين 🙂بس عزو علاش مقلتش ل ماما عالكبيدة 🤨
معتز: سنام متخلينيش نادم ان قلتلك منبي حد يعرف اني اسبوعين ومروح انشالله ❤
سنام: تمام 😍هيااا وقت بنرقد عندي مدرسه 😊باااي
معتز: بايات.....وسكر
✨✨✨✨✨✨✨✨✨✨✨✨
صباح اليوم التاني 🌟
نعيمة: اميييرة نوضي سادك نوم معقوووله 🤨
اميرة(خلاص مش متحمله): ناس تقول صباح الخير وانتي جايه تعاركيي 🙄
نعيمة: الله الله حسستيني اول مرة هيااا منبيش نرقيهااا الناس بيجوا اليوم نفس الشي مع العصر وديري في بالك بتشوفي ولدهم 😊
أميرة(انشالله تموتوا كلكم): 🤨تو نشووف كان صار منه الموضوع 🙂
نعيمة: 😡شن قصدك
اميرة: لا لا شي ☺
وجدي: ملاااك خيرك معاها 🙂
ملاك: ههه نبصر مع نويرتي 😑😅
نورة: يا بايخه كذباتك منتهيات صلاحيتهم حوليي من عليا 🙂
أميرة. قعدت نفكر كيف نفسد جيتهم ملقيتش حل قلت يلا نلبس نفس لبستي يومها ونفس تسريحه مراات نستفزهم ويغيروا رايهم 💔
#سرو#
مع العصر 👏
نعيمـة: تي نوووضي انتي وياها بلكي عندهم ولد تاني تحصليلك قسمة 🤗😃
ملاك: تي يااام كان اني بدل اميرة ره معش نفكر فيك بكل 🤣💃
نعيمة: 🤨🤨🤨🤨
ملاك: وك نبصر وانتي نااازل عليك طلعتي تحبيها للدرجة هذه 😳
نورة : يا ماما جووو تعالي 😊
أميرة. خليت روحي نفس المرة يلي فاتت 😏
رونق: 😍يا عمتي وينها اميرة
نعيمة: هههه غر تفضلوا قبل 😅
أميرة. بعد مرحبو بيهم وسلمت قلت نمشي ندير لقطه 🙂#سرو#
نعيمة: تي وين ضياافه ناس مستعجله 🤨
اميرة: 😊اني نجيبها
نعيمة: 😑به
اميرة(فنصي خزيي): حولووا 💃
نورة: ملاك اميرة مش طبيعيه اليوم شن في ولت واقتنعت ولا كيف 🤨
أميرة. خديت السفرة واني طالعه سمعتهم يقولو الخطبه والفاتحه ف نفس اليوم استغربت يمكن اني منعرفش او معمري حضرت الجو هذا 😳معش عندي وقت لو تمت الفاتحه خلااااص 💔💔لو روان معاي كانت نصحتني #سرو#
رنيم: يااام فرج قالق يبي يشوفهااا خلاص انخنقت اهني بنروح 😕
ام فرج خدت العصير: صحيتي بنيتي 😊
رونق تهمس: اسمعوا البنت خيرها لابسه نفس لبس 😯
اميرة: وينه فرج 🤨
رنيم: اطلعيله برا 🙂
نعيمة همست: اميرة متحشمينيش قدام الراجل 😑☺
اميرة. درت روحي مسمعتهاش طلعت نشوفه #سرو#
فرج شافها: 😳😍يويييييلي 🔥
اميرة: 😳😳😳😳(ياربي وين شفته اني حاسه مألوف عليا)
فرج قرب منها: اميرتي لو عندك كلام قبل الفاتحه مسمووح 😍اطلبي اي شي
اميرة(سبحان الله مفهمت شي حااااسه اختلاف بين عرسي وعرس روان الناس هادوووو مختلفين): 🤨🤨فرج اسمك صح
فرج: 😍عيونه 😏
اميرة: نكرهك ☺
فرج: واني نحبك 😎قولي شن تبي
اميرة: 😡😡😡🥺تعرررررف بسببك قرايتي وقفت حلميييييي سنين تعبت مش حراااام عليك اسمعني تلم روحك وتقول مفيش نصيب والاااا 🤨
فرج شذ ايدها: له له خيره الحلووووو 🤭
اميرة(سحبت ايدي بقوة): اني منعرفكش ومش عااااارفه منين تعرفني وميهمنييش اصلا قلي شن تبي منيييي قووول ليش عيلة عمي مهتمين بسيرتك اقسم بالله لو متعطيش جواب نقتلك فهمت 😡
فرج: حبيبتي عيب اني جاي وشاذ اعصابي تعرفي من 150كيلوا متر جيتك وتلزيني خليك هاديه تمام 🤨احسن من الطريقة التانيه
اميرة(قعد يشوفلي بنظرات شر خفت): المهم يلي عندي قلته ولو مصار شي من شروطي في كلام تاني واني علخاطر قرايتي نتبرا حتا من عيلتي فهمتتتتت 😊انشالله وصلت
فرج ذايب فاها: من قال مش موافق بس مش حلوة في حقي من اول يوم تقري عادي السنه هذه خليك معاي ويلي بعدها تقري 🔥😏
اميرة(وااااااك الناس هاذو مستحيل يفهموني معقوله بعد الاسلوب هذا وموافق 💔قلبي مش مرتاح )
فرج قعد يتبع فاها بعيونه وابصر شن كان في راسه 😐
اميرة. دخلت وحيلي مهدووود به قرايتي وحليتها ومعتز 💔لو مشفتاش قبل الفاتحه خلاص بنرضا بنصيبي والوااقع يلي انحطيت فيه#سرو#
ام فرج: نعيمة جايبين حجات ليكم 😊شويه بس نقول ل فرج ينزلهم 🙂
أميرة. واو مزال يبذروا شن هذااا زعمك شن جايبين هه اكيده بش عمتي تغير رايها وتحذفني من غددوة معاهم ربي يهديكم 💔#سرو#
ام فرج: 😊نعومة اني مقلتش عالحاجات قلت نشوف بنتكم ردها بعد مشافت ولدي وقلت يلا نشوف احتياجاتكم 😏👌
نعيمة: 🤗شوفي حبيبتي واللهي القصه مش احتياجات اصلا يلي حتجيبوه هو ليكم البنت بنتكم ☺
ام فرج: والنعم منكم حبيبتي لهذا حتى نرفع راسنا هذه مجرد هدايه جبنالها شوفي العلاليق ☺
أميرة. 😑مرررررض
فرج: يااااام اهو حطيت كلشي قدام الباب 🤭
ام فرج طلعت وخدت علاق الفلوس: اميرة حبيبتي هاذو 50الف جهزي نفسك بيهم 😘
وهذا الذهب يعني اعتبريه تابع المهر 🙂
أميرة(ههه 50الف تحسابني استراحه وبتنظمها 😑): تم 😶انشالله
ام فرج: شن بنقلكم شن رايكم نقروا الفاتحه مع ظهر غدوة انشالله يعني وخواتم الخطوبة عادي يلحقوا او متلا نلبسوهم قبل الفاتحه 😅المهم راحتكم
نورة: كيييف وهو اصلا مفروض يوم الفاتحه اميرة متشوفش ولدك 🤨
نعيمة بهمس: نورة اسكتي تو نفهمها 🤨
نورة: 😑
نعيمة: ام فرج اي يلي يرتحك اصلا مفيش داعي للخواتم يلحقوا. 😊
رونق: تمام يصير خير هيااا سلامات 🙂
أميرة. بعد مروحو قعدو البنات يشوفوا ف باقي العلاليق فتحوهم كلهم وفي ظرف مكتوب عليه اسم عمي فيه شيك مبلغ100 ألف😳هلباااا هكي 🤨
🤦♀️🤷🏻♀️هذا مغير فساتين ومكياج والاحذيه والهاتف يلي جايبه ب اسمي 😶مستحيل نقدر نعد جايبين هلللللبا حجات مش مرتااحه بكل شن يلي خلاهم مصرين عليا واسلوبي معاهم مأثرش وأغروا اهلي بالفلوس وااضح في قصه ورا الشيك 🤨#سرو#
على دخلت عمي وجدي فرح لما شاف الاغراض طبعا عمتي حكتله طول عالمبلغ 😒
وجدي: هذه القسمة ولا بلاش 😁👏
اميرة يا بنتي وكل هذا ومعترضه وين تلقي نصيب احسن من هذا حتتخلصي من الظلم والفقر 🙃
ههههه وحتشبعي مش تنسينا معاك 😅😅💔
أميرة. عمي دارها بالضحكة والجو بش يغير مزاجي بس واااضح تقصدها لان عطول اخد الشيك معاه قال بيسدد ديونه 😕والله اعلم قعدت ساكته مقلتش حتا كلمة 💔🥺#سرو#
بسمة: 😊اميرة بري للدار ارتاحي 🙂
اميرة. مشيت سكرت على روحي الدار قلتلهم دبروا وين ترقدوا مش حنفتحها للصبح قعدت عالسرير الافكار تلف بيااا تفكرت روان نسيت محكيتلهاش 🥺#سرو#
ترن ترن ترن.......
روان: عاش من سمع صوتك امورة 😍
اميرة (نشهق): رواااان اني مخنووووقه تعرفي هلباااا صار فيا معش نتحملل اختبااارات الحياة ورا بعض 😭😭😭
روان: 😳اميرة فهميني غر بالشويه عليك
اميرة: شن نحكي بش نحكي حاسه الكل يلعب عليا .................. وفوق هذا كله فاتحتي غدوة النااس هادو يبو كلشي سريع حتا انهم مجهزيلي كل شي نحتاجه للعرس مفهمت شي لا وفوقها قلي ولدهم من150كيلو متر جاني 💔💔هلبا اسئله في راسي مش متحمله رونه بالله عليك عطيني نكلم محمد يجيبك من الفجر عندناااا مستاحشاتك 😭😭
روان: 🥺 ي عمري اكيد ح نجيك توا ارتاحي مبين جي وقت الفجر. صلي استخارة وارقدي وربي ح يدلك للصح انشالله 💖
اميرة: وقرايتي يلي ديمه توصي فيا علاها 😭
روان: حبيبتي هو قلك ح يردك تقري 😥 المهم تو نشوف ماشيه نقول ل محمد حبيبتي امسحي دموعك اني معاك 💖
اميرة: تمام ........وسكرت
أميرة. حتا بعد الاستخاره قلبي رااافض فرج وعيلته به شن بندييييير مزالو ساعات بسيطه ونصير حلاله 💔💔💔💔#سرو#
تاني يوم 🌟🌟🌟قبل الظهر بثلت ساعه
أميرة(حاضنه روان): روووونه مزال 20دقيقه بس 😭
روان: حبيبتي خلاص معش تبكي 🥺
اميرة(طبعا مقدرتش نقلها على معتز): اااااه 😭
روان: حبيبتي اول مره نشوف عرس بالسرعه هذه صراحه يعني وكأني مش مجربه هكي طول فاتحه 🤨
اميرة: 😶متسألينيش لان منعرف شي غير اني بنموت بعد 10دقائق قلبي حيوقف نبضه 💔💔(وينك معتز)
ملاااك: توا قالولي بيبدوا فقراءة الفاتحه 😆👏
اميرة: 😳
أميرة. ل لحظة فكرت نرضى بالواقع يمكن ظلمته بتفكيري يمكن صح هو يحبني بديت نخرط 💔#سرو#
أميرة. بعد دقائق قالولي كملو الفاتحه وبدوا يباركولي واني سارحه هما فرحانين ويزغرطوا واني زعلانه ونبكي وروان معندها مبتديرلي غير انها تهديني بحضنهاا عالاقل تخفف عليا🥺💔#سرو#
أميرة. قبل المغرب بنص ساعه رن الهاتف يلي فرج جايبهولي قلت نشوفه 💔#سرو#
ترن ترن......
اميرة(شفت الاسم لقيته حبيبي 😳المجنون هكي مسجلهولي): الو 😔
فرج: مبروووك حلالي 😏
اميرة(مخنوقه): الله يبارك فيك 💔وسكتت
فرج: حبي بنجاااوبك على سؤالك 😁بما ان خلاص الفاتحه وانقرت 😌😏
اميرة: معش مهم عندي اني انتهيت سامحني لو خليتك ارمل ومتت 💔
فرج: 😡بعيييييد السو عليك اي واني متأكد انك تعرفيني بس مش متفكرة وين شفتيني عادي نقلك 😊
اميرة: 😳نعرفك ليش وين
فرج: فالتاكسي من شهر فات ☺
اميرة: 😳😳😳😡
يعني انت نفسه التاااافه اصلا من البدايه مرتحتلكش يعني اي بنت تركب التاكسي تشوفلها بنفس الطرييييقه صح 😡اووووو نسيت شي تاني عندك الفلوس هذه كلها وتخدم فالتاكسي معقولـة 🤨
فرج: بصراحه منخدمش فالتاكسي ويومها شفتك واقفه مع عمتك برا السوق عطيت فلوس ل واحد وركبت بدله بش نعرف حوشكم 😊
اميرة: 😳اه
فرج: انسي حبيبتي وتوا خل نهدرزوا وتتعرفي عليا كلها يومين وتروحي معاي 😊
اميرة(انعقد لساني): 💔
فرج: اميييرة خيرك عاد متبيش تكلميني وتوا فاش غلطت معاك اني 🤨اني صرت بحكم الخطيب والزوج 😑
اميرة: يمكن لان مش متعودة 🥺
فرج: حسك زعلانه مني 🤨
اميرة: انت حرمتني من دراستي كيف تبيني منزعلش 😥
فرج: ايييييه علينا اتفقنا ترجعي لقرايتك بس مش سنه هذه خيرك 😒
اميرة(نحاول نقتنع ونصدق)
أميرة. بعدها فتحلي مواضيع جرييئة انصدمت متوقعتش من اول مكالمة يكون هكي زاد شكي فيه حسيته مش اول مرة يتزوج قلت يمكن مكنتش نعرف ب حاجات زي هذه لان معنديش ام تنصحني حتا الروايات مفيش فكرة لان مكنتش نتبع فروايات زي هكي كنت نقرا فروايات ك ثقافه 💔 وقعدت نسأل ف نفسي معقوله روان فترة هذه كان هذه هدرزتها مع محمد لدرجه فصلت الخط علييه بدون منرد حتا كلمة وهو مزعلش اني نبي حد يغار يهتم ل مشاعري يعني فصل الخط هذا مسألنيش حتا ليش سكرت كل همه مواضيع بالنسبه ليا تافها عمره محكالي على عيلته منعرف شي عليهم غير انهم مبذرين 💔 بديت خايفه منه اكتر واكتر 🙁#سرو#
✨✨✨✨✨✨✨✨✨
معتز يتكلم فالهاتف ❣
سنام: تي هذا يلي سمعته 💔
معتز: كييييف هكي معقوله 😳
سنام: عزو والله زيك مش فاهمه شي البنت معروفه فالمدرسه وياما دارت مشاكل علخاطر قرايتها وان تبي تكون من الاوائل وتحارب فالظلم بس انهااا توقف قرايتها علخاطر زواج مفهمتش 💔
معتز: سنااام معقوله هي مجبورة 😨
سنام: المهم اليوم تمت الفاتحه يومين وتمشي معاهم 😣
معتز: اني حنروح انشالله بس اسمعي بنقلك ونفذي يلي حنقوله تمام 🤫✨
سنام: 😳تمام
معتز: ......... يتبع
🙋رايكم 🔥والتوقعات 🤗🤗تفاعلـوا 😘
🔥سرو🔥
 الفصل الثاني نعيمة: 🙈اتصلوا بيا قالولي بيجوا يحددوا الخطبه والفاتحه والعرس 😊مبروك حبيبتي 😘 ا…){kind=link}
Comments
Post a Comment